ගෑණුන්ගෙන් ප්‍රවේශම් වෙනු!!

මේක අපේ ගෙදර ඇත්තො මූණ දීපු සිද්ධියක්. ගිය සතියේ දවසක මම ගෙදර හිටියෙ නැති වෙලාවක තමයි මේක වෙලා තියෙන්නෙ. අපේ ගෙදරට ඇවිත් තියෙනවා හොඳ මහත දෙහෙත ඇති ගෑණු පරාණ දෙකක්.ඇවිත් අපේ අම්මට කියල තියෙනවා ඒ ගොල්ලො වතුර නිසා උන් හිටි තැන් නැතිවෙලා ඉන්නෙ ඒ නිසා අඳින්න පුළුවන් පරණ ඇඳුම් තියෙනවනම් දෙන්න කියල. අපේ අම්මගෙ හිත පොඩ්ඩක් ඇත්තම් උණුවෙනවනෙ.ඇරත් මේ දවස් වල ගංවතුරෙන් වෙච්ච හානියෙ හැටියට ඉතින් එහෙම දෙයක් කිව්වම පිළිගන්න අමාරුවකුත් නැති නිසා අම්මා ඇඳුම් ටිකක් දෙන්න කියලා ගෙට ගියාලු. මේ අතර මේ කට්ටියට අර සයිස් එකේම තව ගෑණු දෙන්නෙක් එකතු උනාලු. දැන් මෙයාල සැරින් සැරේ අලුත් ඉල්ලීම් වගේකුත් එකතු කරනවලු, "කන්න දෙයක් දෙන්න", "සල්ලි කීයක් හරි දෙන්න" ආදී විදිහට.මේ අතරෙ තාත්ත මේ වැඩේ බලාගෙන ඉඳලා ළඟට ඇවිත් අර කට්ටියගෙන් ඉන්න තැන ඇහුවලු. ඒ පාර මෙයාලා පන්සලක නමක් කියලා. ඊ ළඟට තාත්ත ඇහුවලු මොන හේතුව නිසාද පන්සලට ආවෙ කියලා. මෙයාලා සුපුරුදු උත්තරේ දීල තියෙනවා "වතුර නිසා" කියල. තාත්තා ආයිම ඇහුවලු මොන වතුරද කියල.ඒ ගමන එක්කෙනෙක් කිව්වලු "මූදු වතුර" කියලා. ඒ එක්කම අනිත් එක්කෙනා "ගං වතුර" කිව්වලු. (අපේ තාත්තා එක පාරටම පුටුවෙන් නැඟිට්ට විදියට ගෑණු දෙන්නා තුන්දෙනා බයවෙන්න ඇත්තෙ කොහොමද කියල හිතාගන්න පුළුවන් ඉතින් තාත්තව දැකලා තියෙන අයට තමයි.) ඊට

.පස්සේ මෙතන නායිකාව වගෙ හිටපු කෙනගෙ සංඥාවට අනිත් අයත් නැඟිටලා පිටවෙලා ගිහින්.

හැබැයි ලස්සන වැඩේ කියන්නේ මෙයාලගෙ යාචක කම ආගිය අතක් නෑලු.ගේට්ටුවෙන් පිටවෙනකොටම ඒකත් ගිහිල්ලා.

පස්සේ ආරංචි වෙච්ච විදියට මෙයාලා එක්තරා කොල්ල කල්ලියක්.හදිසියේ හරි අම්මා විතරක් තනියම හිටිය නම් මෙයාල ගේ සුද්ද කරනවා. මේ සිද්ධිය අපේ තාත්තා තව කෙනෙක් එක්ක කිව්වම ඒ මනුස්සයා තවත් මාර කතාවක් තමයි කියලා තියෙන්නෙ. ඒක ඊළඟ දවසේ කියන්නම් කො.